Wor Maos en Niers host samelope,
dor op da smaole stukske groond,
- wa huuskes ston d'r ien et roond
wa stillekes beejen gekrope,
eenkeld de Rijksweg mikt gedruus, -
dor hor ik thuus.
Hoe duk heb ik et afgtrêje.
Ge ziet 'r dör vorda ge 't wet.
Mar, kiender, hald et vör gezegd:
oons get gen dörpke bovve Heye!
Al trekte nog zö wied van huus,
dor horde thuus.
Dor lit de moiste tied van 't lève,
den tied den genne meens vergit.
En mennigeen den op 't kerkhof lit,
het oons hier zöveul mitgegève.
Now draagt den Heys groond zien kruus:
dor heurt ie thuus.
Uit: Ennen haffe Heys, van Theo Terpstra